林文龍指現時大家花時間上網多過看電視。
亞洲心動娛樂有限公司（AMM）副總裁林文龍今日出席網劇《逐流時代》記者會，此劇將於明晚9時在AMM的程式播出。提到在這個時間推出《逐流時代》，被指是用作對撼無綫的《金宵大廈2》及ViuTV的《反起跑線聯盟》，林文龍否認，並笑言︰「我從來冇夾嘢，我只係夾餸。」
AMM副總裁林文龍與《逐流時代》演員出席記招。
難以對撼電視台
林文龍指不存在打對台的想法︰「邊有得打？大家都唔同方向，做法又唔同，佢哋係電視台定晒時間，我哋係網上，大家又唔使坐定定要嗰個時間睇。同埋我哋今次比較創新，22分鐘一集，節奏好快！多謝大家吹捧話係三台打仗。」他又認為公司專攻網上平台，是因為現時大部份人都鍾意上網多過睇電視，最重要是作品是否用心做。
問到公司未來大計，林文龍說︰「綜藝節目有好多計劃，始終好多嘢都敵不過疫情，始終我哋唔係大公司，簽咗好多藝人喺手，依家只希望疫情穩定落嚟，先可以開始做嗰啲計劃。」
🎁 amJetso請你睇《焚城》，快Ｄ開APP玩👇 👇
