出身《全民造星III》的歌手旨呈，最近踩過界參演金牌監製戚其的網劇《逐流時代》，更與前輩黃德斌，他直言被對方氣場震懾，在拍攝鬧交戲時頻頻NG。另外，他在戲中與麥明詩、鍾浠文及張凱娸等女神合作，但沒有激情戲碼，與黎紀君演爭執掌摑戲時，更要硬食戚其義三棍。
拍鬧交戲變NG王
初次拍劇的旨呈坦言跟黃德斌合作獲益良多，「佢本人係個Nice Guy，但一埋位就立即入戲，我不停同自己講唔可以有錯。記得有場鬧交戲，我NG咗好多次，因為當日係第一次同佢交手。之後我都不敢怠慢，做足準備功夫，有德斌喺度會覺得好有Energy，佢係一個好專業嘅演員，令到整個氣氛都好有張力。」
獲戚其義打完再攬攬
旨呈雖與4位女神合作，卻絕非艷福無邊，被黎紀君摑到面腫，更被戚其義用棍毆打，「因為黎紀君唔夠膽打落嚟，監製親自打，佢話你信我啦，枝棍預先割咗，一打落嚟就斷，點知割得太淺，打落嚟枝棍無斷，第二次都無斷，監製同我講唔好意思，佢話再割深啲，第三次終於打斷，打完之後佢都有攬攬我。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
