連詩雅演唱會跳BLACKPINK開花舞兼唱到此為止 網民批尷尬：薛家燕完勝
連詩雅（Shiga）正展開《2023連詩雅「與你相連」巡迴音樂會》，上周六（10月14日）廣州站開鑼，於台上大唱金曲《到此為止》、《說一句》、《好好過》等經典歌曲，老公陳家樂更到場支持。演唱會地點係喺廣州中山紀念堂，原來連詩雅並唔係第一次踏足呢個舞台，佢喺台上憶述10年前首次踏上呢個舞台就係做師兄周柏豪演唱會嘉賓，表示過去幾年唔易過，眼看演唱會嘅夢好似愈來愈遠，好開心大家無忘記佢。10年過去，連詩雅除咗由嘉賓變成主辦歌手，更加喺台上勁歌熱舞近10分鐘；另外又大跳BLACKPINK成員Jisoo首支Solo歌曲《FLOWER》。
家燕媽媽獲讚有誠意
不過部份網民對連詩雅跳嘅舞步就唔係好受落，紛紛留言批評：「我現在知道，原來她肢體那麼不協調了」、「多少有點放不開的尷尬在」、「這是在跳啥？看不懂」、「你係唔係想笑死我」、「好似有支槍指住佢個頭咁嘅感覺」、「點解佢跳到成隻燒鵝咁嘅haha有趣啊」、「跳出做早操舞模式嘅flower」、「廣場舞」、「跳到DVD卡碟咁」、「真係你唔尷尬就係人地尷尬」等等。
由於薛家燕亦曾於8月《家燕媽媽藝術中心暑期繽紛大匯演2023》活動中跳「開花舞」，仲將歌詞改為廣東話版，對比連詩雅齋跳，網民就話薛家燕有誠意好多，又指跳得好過連詩雅：「唔唱，又怪又尷尬」、「家燕姐完勝」、「家燕姐確實跳得非常好」、「家燕姐有誠意好多，又唱又跳又笑住跳」等等。
原文刊登於 Yahoo 娛樂圈
amJetso 送BIODERMA救星小紅瓶🩷護膚恩物 立即按此參加👇
