Karen(右)昨日發文指郭子豪於月初仍給她許下承諾。
郭子豪日前被爆他背住拍拖3年的圈外女友Karen，與應屆港姐亞軍鄧卓殷來往甚密，有指郭鄧二人曾相約一齊睇樓，兼且有人目睹他們現身機場飛日本，可見他們關係匪淺。然而，郭子豪否認一腳踏兩船，並聲稱與Karen於年初已分手。
鄧卓殷否認與郭子豪拍拖。
Karen昨日在網上發文，指責有人講大話。她寫道︰「剛剛這個月初還說給我一個終生承諾；原來所有諾言在真相被揭發之前，都只不過是場欺哄。是時候清醒……逃離謊言和被蒙騙嘅世界，至少最後可以忠於自己。感恩所有身邊愛我的家人和朋友，Life must go on！」早前郭子豪受訪稱自己和Karen已分手一段時間，Karen即刻貼文寫道︰「總是自私 ，口說很愛你，下一秒為了自保，用成千上萬的謊言掩飾自己的過錯。」
疑是第三者的鄧卓殷，日前出席節目拜神儀式時，強調自己沒有和郭子豪拍拖，二人純屬教友關係，當時她說︰「我同佢做嘢識，佢有同我分享生活同工作上嘅煩惱，見佢好多煩惱，我覺得帶佢返教會可以幫到佢，希望佢可以成為教友。我哋都係一齊返教會囉。」
立即更新/下載AM730手機APP 體驗升級功能
