吳浩康大讚老婆叻女，成功跨過種種挑戰。
吳浩康(Deep)今年3月與「格鬥女神」郭思琳奉子成婚，而今個月即將卸貨的郭思琳，日前在IG分享了不同造型的懷孕寫真，她更表示：「最後一個月真難捱，會腫的地方腫，會痛的地方痛，還會失眠」。
今日，Deep於社交網再分享了新一輯的靚相，相中見郭思琳身穿全黑色的內衣褲，再配上一件黑色西裝褸，相當型格，挺着巨肚的她，手腳依然纖幼，果然得天獨厚；而另一張兩公婆則情深對望兼甜笑，相當甜蜜，Deep 寫道：「雖然我哋一齊生活，表面上好似共同面對緊唔同嘅挑戰，但其實我心入面覺得你一個人喺度撐住，身體上嘅辛苦，心靈上嘅擔憂、害怕，我只能喺旁邊陪伴你，最後都係靠你自己一一跨越，老婆，你好叻呀。佩服你，我愛你。你黑口黑面咁，好正呀。Thank You。」
郭思琳卸貨在即，大曬型格孕照。
