鄧健泓在陳敏之的網上節目提到自己背住當時的女友撩石詠莉。
陳敏之早前邀請鄧健泓到其網上節目做嘉賓，對方在片中表示曾背住女友情挑石詠莉，經過網民推算，相信鄧健泓當時是背住李施嬅撩石詠莉，於是鬧爆男方是「渣男」。相關訪問片段離奇下架，陳敏之今日出席《廉政行動2022》宣傳活動時，多次強調片段涉技術問題，修理好便會重新上架。
陳敏之否認片段因為鄧健泓不開心而下架。
石詠莉在拍攝現場
敏之表示有關片段現正由技術人員修理，並非傳聞中指鄧健泓不滿而下架。她說︰「其實當時石詠莉都喺現場，對方係一個好好老婆，佢哋兩個好恩愛，去到邊都一齊，佢老婆都喺度，點會唔知內容。鄧健泓冇唔開心，只不過我哋想整番好條片先再出，佢真係無嘢。」
不知道鄧健泓當時的女友是誰
她坦言不知道鄧健泓所說的女友是誰，亦不覺得訪問內容有問題︰「我哋係傾童年，我哋細個係鄰居，我都唔知佢嗰時同邊個拍拖，都係網民自己猜測。不過，我都要同佢講返聲唔好意思，始終佢都係信我先會坦白分享，唔希望變床攻擊佢，佢真係冇嬲，我哋仲有保持聯絡。」
鄧健泓與石詠莉不時在網上大晒恩愛。
立即更新/下載AM730手機APP 體驗升級功能
