鄧兆尊接受李婉華、潘小文訪問。
鄧兆尊近年到不同YouTube頻道作客，更無所不談，日前她與李婉華及潘小文一齊開live，期間他更大爆與3位紅顏知已無性生活，更謂如女方有需求，要入紙申請，「等儲定能量先開始」。
鄧兆尊與3C的生活模式一直成為眾人焦點，早年兆尊表示會跟Carmen、車厘子及陳小姐分配好時間，而3C每年會獲一次性家用，是按年結，坦言金額是足夠她們使用，金額每人一樣，如遇上她們想買包包，是可以找他去買，但只能是「偶然」。今次兆尊就表示昔日要照顧3個家庭，所以無乜自由，很多問題要解決，現在「人老咗，機能打廢咗少少，所以放出去都冇問題。」
鄧兆尊與「正印」Carmen、「阿二」Cherry一齊多年，Carmen與Cherry更交情不錯。
年紀大難偷食
他被問到是否被裝上追蹤器，他就只謂沒問題，因為做人要交帶，但直言會向她們如實報告行蹤，自言怕會有麻煩帶回家，「如果出去搞搞震，一陣瀨嘢就全部瀨嘢，唔好制！」他形容自己已經是死囚，「(3C)隨口問一句囉，係咪都要返監倉，都被人判終身監禁啦！」被問到他在家中有甚麼可做，兆尊竟表示會跟對方撩交嗌，他說︰「得閑撩吓交囉！我同條囡去咩你知㗎啦！開心呀！唔使錢呀！（即係你會特登激佢地？）講吓笑啫，因為你出去滾完返嚟個樣殘晒㗎嘛，宜家啲年紀你出去偷跳一次真係會。(你話有好多億㗎？)使晒啦！我冇呢樣嘢，冇呢樣嘢」。
鄧兆尊表示如果出去玩，回來會「個樣殘晒」。
女方有需要可入紙
李婉華問他是否需要補身，兆尊說︰「唔補！只有蠢嘅男人先補！你補完都係益返個女人！（但係你有三個吖嘛）冇呢啲嘢㗎啦！（咁人地有呢個需求）有需求咪入紙囉，申請等我儲定啲能量同你開始。」問到他如何儲，他說︰「踢波囉！唔使儲嘅唔使儲嘅！即係打場硬仗分兩場咁解啫。」他坦言大家都認識了很多年，已經不是著重在某一方面。
鄧小尊與阿三陳小姐不時上電視。
「交流」睇時機
兆尊自言是不正常的男人，他續說︰「我覺得18歲到30歲樓下嘅女人唔係唔靚，靚，但煩！(50幾歲呢？)呢啲正到痺！又唔會煩你，自己做自己嘢。(咁各自搞自己點交流？)有時間咪交流，睇通勝話宜行房咪宜行房！」他坦言大家去到這個年紀，可以甚麼都拿出來說。問到平日會否跟她們去看戲，兆尊說︰「佢哋要求，我想睇套戲，咁咪去睇囉！不過係分開去睇，有時睇幾次，仲要扮冇睇過，扮好精彩喎！」
【立即參加】送香港迪士尼樂園一日門票！
