時尚品牌「上海灘」的創辦人鄧永鏘(David Tang)於英國病逝，終年63歲。其生前好友名媛榮文蔚(Yvette)及鄭詩韻等，昨日出席護膚品牌活動，Yvette表示十分傷心，受訪時更一度落淚，她說：「收到消息，好難相信係事實，本來計劃9月過英國探佢，估唔到陰陽相隔，希望佢走時舒服，我哋廿幾年朋友，David一直好支持我搞活動，佢係好開心嘅人，覺得好突然，咁後生離開。」
談到鄧永鏘曾計劃舉行一個「最後派對」，Yvette續說：「David好聰明、好幽默，病緊都支持慈善，比想像中早離開，我一定會去英國幫忙佢嘅身後事。」
鄭詩韻說，是從傳媒口中知道消息，「之前知佢身體有啲小毛病，不過知道佢做完手術好番，見佢出嚟都仲好精神，其實冇見佢幾個月，反而有見過佢個女。(有否收過告別派對通知？)冇特別聽聞，David係一個enjoy life嘅人，熱愛朋友，鍾意熱鬧，所以覺得好可惜。」
Yvette計劃幫鄧永鏘舉行悼念儀式。
對於鄧永鏘病逝，鄭詩韻感可惜。
入App免費換走健康產品
