鄭中基宣布將於明年2月舉行紅館演唱會。
鄭中基(Ronald)於上月在澳門完成《Fragments of Wonder 鄭中基世界巡迴演唱會2023》首站，自從宣布舉行巡唱，Ronald一直都收到不少信息問「幾時開紅館呀？」其實他由去年中秋已開始入紙申請，等足一年終於獲得紅館批核，定檔於 2024年 2月在紅館舉行演唱會的香港站。初定日子為農曆年間，但日子仍待落實。
腦海空白：係L唔係㗎？真係得咗啦？
Ronald 坦言收到紅館確認信一刻，確實有點難以置信，「 鐵柱終於磨成針！上年中秋開始入紙，每個月入，入到變成每個月嘅指定動作，當收到紅館成功批俾我哋封信嗰一刻，大腦空白一片，心諗：係L唔係㗎？真係得咗啦？我真係暈一暈，然後花咗10幾分鐘冷靜咗個人之後就諗點樣部署。除咗通知各個部門之外，最想嘅就係同大家分享第一手消息，Show date 大概係2024年2月13至18號，但實質日子暫時未定到，定到又再即刻話俾大家聽，我知道講到好亂，但係我真係好開心！再次農曆新年見！」Ronald在完成澳門演唱會受訪時表示，當時只呈現了部分的舞台構思，希望在紅館四面台能完整呈現。
入App免費拎荷花BB展入場券
