曬到黑的Selena睇住美斯射不入，即時擘大口唔相信。
球王美斯加盟碧咸做班主的國際邁阿密後，令美職聯場內星光熠熠，每場球賽例必有荷李活演員及名人入場欣賞美斯風采。昨日國際邁阿密面對上屆美職盟主FC洛杉磯，吸引了里安納度狄卡比奧(Leonardo DiCaprio)、小天后Selena Gomez、亨利王子(Prince Harry)、兩代蜘蛛俠湯姆賀倫(Tom Holland)及杜比麥奎爾(Tobey Maguire)等大人物入場，結果美斯交出兩助攻，協助球隊3：1擊敗對手。由美斯加盟後，國際邁阿密在各琪賽事錄得11場不敗紀錄。
Selena睇到好開心。
Selena擘大口 里安納度食雪條
Selena在美國演員工會罷工期間疑似繼續為劇集宣傳，被轟違規兼背叛同行。但無損Selena睇波心情，當美斯殺入對方禁區起腳射門被擋出時，Selena肉緊得擘大口表現出難以置信的樣子。另一座上客亨利王子亦緊張得雙手扯頸巾。反觀里安納度就氣定神閒，戴黑超食雪條非常享受。今場賽事入場名人還有《洛基》(Loki)男星奧雲韋遜(Owen Wilson)、NBA球星勒拜占士(LeBron James)、夏登(James Harden)等。
里安納度一於少理，食咗先算。
亨利王子睇到好肉緊。
入App免費換走健康產品
