阿倫的鐵粉肥萍離世，據悉阿倫知道對方入院。
追隨譚詠倫多年的忠實fans肥萍，近年轉會追捧張學友、鄭俊弘、梁安琪，而近期她則成為無綫主播王鎮泉鐵粉。昔日有阿倫的地方，便會有肥萍，因此令肥萍廣為人知，她更獲外間封為阿倫的三奶。可惜，肥萍日前昏迷入院，今日與世長辭，王鎮泉得悉死訊時，更不禁落淚。
梁安琪昨日在網上為肥萍打氣。
王鎮泉獲肥萍送贈人生首個燈牌，每當他有活動時，肥萍定必到場支持，二人更因而成為朋友，不時用訊息來往。王鎮泉表示1月時，仍收到對方給他的生日祝福，今日下午透過視像見面︰「我同佢做咗幾分鐘視像，佢回應唔到，過多十幾分鐘之後，就收到佢嘅死訊。身邊有屋企人陪佢，希望佢走得安心。」 當王鎮泉憶起與肥萍的相處時，不禁留下男兒淚，坦言會盡量協助其家人辦身後事︰「人生第一個燈牌都係肥萍幫我做，有個人咁支持我，當然好感激！」
近年肥萍轉會追捧鄭俊弘。
一度成為學友FANS。
王鎮泉憶起故人時，不禁落淚。
入App免費換走健康產品
