阿正被廣告商叫扮女神。
DJ 黃正宜(阿正) 身兼多職 ，又是 DJ ，又是歌手及咖啡店老闆 ，最近她更獲邀成為香口珠代言人，近日阿正出席香口珠宣傳活動，她笑言廣告商好大膽叫她扮女神 ，並打趣謂：「其實我可以再做多啲，好鍾意忙架！我冇工作會身痕，研究過我唔搵錢時就會病（呢期好健康啦？）咁又未至於好健康，如果大家想我好健康長命百歲，就要再俾多啲廣告我啦，可以再健康啲 」她又透露早前去荷蘭及德國時一直 keep 住病又水土不服，返到香港又大感冒，一開工即刻好番曬。
問阿正還有甚麼廣告想拍？她即說：「如果我減到肥，梗係想接內衣代言啦！（底線？）三點不露！仲有樓花廣告都好想拍，送層樓俾我，趁樓市跌更加需要代言人 ，仲有私家車廣告，雖然沒有車牌，可以擺住先，或俾朋友開車，載我出去玩都好（俾男朋友？）我都想，咁就先希望先搵到男朋友代言，哈哈！安排一個俾我試用，哈哈！」阿正表示自家咖啡店已開業一周年，並自爆計劃在九龍區開分店，她又預告之後會有連串的一歲慶生活動。
阿正最恨做「男朋友代言」：安排一個俾我試用 。
入App拎12大商場蛇年利是封
