陳卓賢Ian推出今年第4首單曲《仍在》，訴說美好往事只能回味的無奈。
MIRROR成員陳卓賢Ian推出今年第4首單曲《仍在》，新歌繼續由Ian作曲，請來Oscar填詞，兩人攜手構思「無奈」主題，以兩個字貫穿旋律並帶出歌曲的故事，Ian說：「如果用愛情角度去睇，想講嘅就係即使兩個人相愛，但礙於現實兩個人未能一齊走落去，但其實愛情以外都會有現實與理想抗衡嘅情況，例如：興趣係唱歌，都要衡量興趣同點樣維持生活，但最後卻被現實擊敗嘅無奈。」Ian現正趕緊製作年底前推出的第5首作品，他表示：「第5首會係好唔同嘅作品，但係咪跳唱就賣個關子，敬請期待。」
凝結記憶 只能回味
Ian透露《仍在》這歌名有兩層意思，「其實人與人之間嘅關係，好多時都係一啲微細行為、動作而展開，而我哋呢首歌，就係用『仍在』呢兩個字作為故事嘅主軸，呢兩個字有依然喺度嘅意思，係我對某啲人與事嘅期望，另外『仍』字有凝固嘅意思，以帶出兩個人之間嘅回憶凝結咗喺過去嘅日子，因為我哋再冇之後嘅事，只能回味過去經歷過嘅事。」
邀麥曦茵拍電影感MV
向來對歌曲製作一絲不苟的Ian，請來首次合作的麥曦茵執導MV，他說：「我平時鍾意上網睇MV或微電影，有次睇到麥導嘅MV，好喜歡當中嗰種訴說故事嘅運鏡魔法，好想試下如果係一隻Ballad情歌，配上好有電影感嘅拍攝會係點樣。」Ian形容《仍在》MV是一個關於時空的故事，他在MV中重溫與女主角經歷的一切，而這些畫面統統停留在他的腦海裡，就好像在尋找回憶的同時，發覺往事只能回味。
Ian盼出國語歌
其實近期Ian亦推出了《Distance》國語版，他坦言也想推出全新國語歌，Ian解釋道：「我寫嘅Demo頗多都係用國語唱，同埋以前細個都幾鍾意聽國語歌，對自己嚟講係有另一番味道，因為唱國語歌個腔同廣東話唔同，希望將來出隻真正嘅國語歌而唔係出國語版。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
