2021-05-03 17:55:00

陳明憙29歲生日無假放獲團隊炮製驚喜派對

昨日是陳明憙的29歲生日，但壽星女無假放，因為她有份參與的《攜手瞳行慈善音樂劇場》即將公演，於就算生日還要回到新蒲崗的排練場地加緊操練，務求演出時做足一百分。過去一個月，台前幕後幾乎每日對戲、練歌、練舞、排走位，彼此建立了深厚感情，主辦單位知道明憙生日，於是聯同明憙的爸爸媽媽、還有Fancl的老闆娘，製造秘密驚喜同壽星女慶祝。

當日眾人如常回到排練場地，留心聽著音樂劇導演釗鑫的演出安排，同樣有份主演的Kimman黃劍文，穿上事前準備的西裝外套，手持鮮花，帶領台前幕後共三十多人一起唱生日歌，壽星女明憙一時間也來不及反應，待心情稍稍復平，才懂取笑Kimman差點被他「Chock親」。

陳明憙表示非常開心，問到她的生日願望，她說︰「其實我每年嘅生日願望都係一樣，唔想再有虐待動物嘅事發生，今年多咗一個，希望音樂劇場能夠演出成功，我剛剛都收到消息，兩場門票已經賣晒，因為成個show係為慈善籌款，亦啟發到我會有更多諗法，究竟可以點樣幫到身邊有需要嘅人。」近年考獲音樂治療師資格，明憙將於六月推出新歌的她，希望將音樂治療融會流行音樂，讓更多人認識音樂治療的好處。