陳明憙(Jocelyn)早前與一班志同道合的朋友，一起參與第7屆《微電影「創＋作」支援計劃（音樂篇）》，明憙除擔任微電影女主角，更為電影度身訂造全新歌曲《再再見》，一手包辦曲、詞及主唱。
第一次拍微電影，便獻出熒幕初吻，明憙坦言，最難搞實情是求婚戲份：「劇本講男主角同成班朋友夾埋激嬲我，之後突然出現跪地求婚，女主角要由好嬲變好冧，情緒變化比較複雜，加上現實生活自己未試過被求婚，我只係擔心做得唔夠好，加上導演講到明場kiss戲只會拍兩個take，其實係壓力多於尷尬，反而男主角李匡翹佢好gentleman，問我需唔需要借位拍。雖然今次拍攝只有短短三日時間，不過都好難忘，因為我角色有少少奸，為咗自己鍾意嘅男仔，不擇手段，對我嚟講好大挑戰！」
同時，主題曲《再再見》亦已在4月初派台，明憙期待新歌播放率，比較早前的派台作《遊樂》，成續可以更上一層樓。
入App免費換走健康產品
