雷宇揚（鬼王）2012年與細21年嘅內地女主播馬荔結婚並定居廣州，不過甚少分享一家三口合照，因此曾經惹來分居及婚變傳聞，二人一直未就傳聞作出回應。而近年馬荔活躍於抖音，不時大曬名車與別墅，又穿上貼身連身短裙，令豐滿上圍與長腿呈現人前；不過，就未有提及雷宇揚及現年9歲嘅兒子雷庭，加上馬荔一舉動被指間接承認離婚。
網民：間接承認離婚單身了
馬荔係廣東經濟科教頻道王牌新聞節目《620南方財經報導》主播，同時又係廣東王牌民生新聞《今日一線》主持人，當年因為一個有關香港藝人嘅專題訪問而認識雷宇揚，繼而拍拖結婚。馬荔抖音帳號中，有多條生活影片，唔少影片都令樓高3層嘅別墅曝光，室內空間感十足、而室外擁有花園和泳池等設備，更停咗兩至三架私家車。從其中一條影片所見，有一名男子負責拍片，該男子更稱呼馬荔做「姐」，但馬荔否認對訪係親弟。該男子又表示自己姐夫畀人打，馬荔即時變得緊張：「你哪來的姐夫？」此話一出，即惹來離婚疑雲。又有網民留言詢問馬荔係咪已離婚；唔少網民都指雷宇揚為馬荔「前夫」，留言話：「間接承認離婚單身了」，又指二人現在只是「有共同兒子的關係」。
原文刊登於 Yahoo 娛樂圈
入App免費換走健康產品
