曾志偉在《霎時再感動》重提譚詠麟拒去桑拿店剪綵一事。
曾志偉擔任最新一集《霎時再感動》的嘉賓，他提到當年與一位演藝界最好的知己，形容對方「紅過我好多倍」，二人有不少共同朋友，當時大家應承出席一位共同朋友的新店開張，但後來志偉這位好友知道是桑拿店之後，為免影響形象，於是拒絕剪綵，令志偉非常生氣。這件往事在志偉到台灣宣傳《一念無明》時曾經提及，而他口中這位當紅朋友便是譚詠麟。
譚詠麟與曾志偉老友鬼鬼。
嬲爆阿倫無義氣
志偉憶述事發經過︰「有一次應承其中一個朋友，我哋兩個一齊去為對方剪綵。到剪綵嘅前一、兩日，突然間我好兄弟打電話俾我，話『死啦死啦，呢次剪綵我唔去得』，我哋已經應承咗人哋喎，佢就話『因為係桑拿鋪，我係歌星，去剪綵會影響我形象，我歌星同你哋地位唔同㗎』。」志偉坦言聽完很生氣，認為對方沒有義氣，於是嬲了幾日，二人沒見面也沒通電話。直至有天自己上廁所，在想是否大家自此「唔傾偈」？
志偉指當時這位好友指自己是歌星身份，跟「你哋唔同」而大感憤怒。
大人不記小人過
曾志偉說︰「人生能夠遇見已經難，成為朋友更難，成為知己更加要珍惜，為件咁嘅事就唔傾偈？當時就諗點呢？好簡單，我當佢係小人，我係大人，大人不記小人過，咁就可以囉！我即刻攞起電話打俾佢『喂點呀你，好耐冇見，飲茶吖』，之後飲茶時又回復以往般談笑風生。」
amJetso 送BIODERMA救星小紅瓶🩷護膚恩物 立即按此參加👇
