高Ling帶媽媽參加祖兒等人主持的綜藝《因為是朋友呀2》。
容祖兒加上Twins阿Sa和阿嬌主持的內地綜藝節目《因為是朋友呀2》，邀得高海寧(高Ling)任嘉賓，出名孝順女的她帶埋父母參加。高Ling日前在IG分享多張照片，她與媽媽仲有祖兒等人大合照，並留言：「三姐妹真的令我媽肉眼可見地好好好開心 #因為是朋友呀2」。阿Sa留言：「我都好鍾意auntie uncle ! so sweet」高Ling回覆：「我媽係(喺)節目裡面講得最多既(嘅)一句說話就係『哎呀~好開心呀~真係好開心呀~』多謝你地(哋)對我爸媽咁好。」
阿Sa阿嬌大讚Ling媽好可愛。
4大美人在節目中超級搞笑。
Ling爸即場求婚
高Ling爸爸在《因為是朋友呀2》大談曾經生意失敗，又提及未有向Ling媽求過婚未有拍婚照，覺得好遺憾。在劇組安排下，Ling爸準備花束向Ling媽求婚，眾人見到求婚場面超感動，網民大讚Ling爸細心又有型。
阿Sa在高Ling IG留言超愛Ling媽。
Ling爸在節目中大談私生活。
