黃劍文葉巧琳舞台劇《為你鍾情》宣布加場。
由黃劍文、葉巧琳主演的舞台劇《為你鍾情》日前舉行記者會，雖然門票未正式公開發售，但大會呢日宣佈預售門票爆滿，更即場宣佈加場喜訊。該劇以紀念哥哥張國榮為題，由歌曲引發一連串故事，而兩位主角亦要演繹一系列張國榮金曲，黃劍文就話又演又唱極大挑戰，擔心會被觀眾「柴台」。
黃劍文表示：「因為哥哥永遠都係經典，所以翻唱佢啲歌已經好有挑戰性，仲要一邊做戲一邊唱，唯有做好自己。今次我做第二代嘅『哥迷』，所以唱腔都唔會刻意模仿哥哥，希望有不一樣嘅感覺帶比大家。」提到近期樂壇前輩甄妮對《中年好聲音2》給予意見，劍文就話冇留意報道嘅內容，仲話俾飛兩位前輩嚟睇騷開心吓。
而女主角葉巧琳就話自細喺「哥迷」：「我自細都係『哥迷』，電影《金枝玉葉》啲經典對白入晒腦，今次舞台劇已經比另一半落咗閘唔可以有親熱戲，不過劇本都冇話要嘅。我另一半係哥哥嘅歌迷，所以屋企練歌唔怕嘈到佢。」
葉巧琳講明唔會有親熱戲。
amJetso 送BIODERMA救星小紅瓶🩷護膚恩物 立即按此參加👇
