初上堂時，Cath手腳打大交。
創作女歌手黃妍(Cath)，繼跟羅家英學習初階粵劇後，因為拍攝系列短片《一日妍究生》，向來手腳不協調的她決定嘗試挑戰肚皮舞，「我以為肚皮舞係要用個肚郁動全身，但原來係用腰嘅肌肉、腳去帶動肚郁動。」對任何舞蹈不能夠拿捏的Cath，經老師指導後，變得似模似樣，不過起初Cath仍然很懊惱：「老師將所有Step(步法)拆到好細，等我可以逐步去做，但最難都真係要記step，嗰日全場crew都記得晒啲step，我都仲未記得。」
對於跳舞，Cath學習進度緩慢。
學習障礙是性感
Cath的另一「學習障礙」，是她對性感打扮的不習慣，她說：「本身拍攝當日特登著咗一條運動褲，同事都話著T恤紮返高唔使我著嗰啲好sexy嘅衫，但因為郁動時都真係著返條裙同埋有啲閃閃同發聲嘅裙仔會好睇啲，所以就換咗，一開頭就好尷尬係咁笑笑笑，因為見肚就好尷尬，成日覺得自己好肥，但著完返出嚟，真係學緊時就唔記得遮肚。著到出嚟時都好唔自然地不斷遮肚，但run落要去著重點樣可以做到個動作記個step後，我就focus點樣可以做到動作，就已經唔記得咗，冇再摸住個肚。」
肚皮舞需要核心肌肉發力，Cath跳一陣已見攰。
佩服跳唱歌手
Cath當日最終得到老師的認證，認為她還可以，即時十分高興：「老師話我都唔係手腳唔協調，平反咗！好感動。有返啲信心，同埋係冇諗過自己一嚟就可以做到蛇手嘅動作。其實肚皮舞都幾好玩，不過好攰，一開頭做熱身動作已經流晒汗，不斷用肚嘅力，係可以媲美做HIIT，好快就可以有腹肌，仲要係側腹肌，好犀利。」既然不抗拒跳舞，問Cath對於跳唱可有新睇法，Cath傻笑：「我依然覺得一路跳一路唱係一件好困難嘅事，所以極度佩服可以跳唱嘅歌手。」
最後獲得認證，Cath即時擺出靚「甫士」與老師合照。
amJetso 送BIODERMA救星小紅瓶🩷護膚恩物 立即按此參加👇
