藝人黃婉曼(Icy)日前接受香港開電視主播馬梓軒訪問，她表示新冠肺炎疫情下，去年於將軍澳開設的烘焙餐廳經營困難，問她是否開業以來最難捱的一關，她直言：「唔止！絕對係人生中最難捱嘅一關，因為涉及人生安全！好多人經歷過沙士，不過相比下今次嘅病毒更加無形，所以呢樣都令自己非常緊張！」
雖然生意慘淡，但Icy卻不畏疫情，逆市下繼續招聘人才：「我有請新員工，因為我覺得呢個時候正正有啲人才喺市場上！雖然依家比較艱難，不過如果我可以搵到一啲人才，大家一齊捱過呢一關，未來條路會行得更長遠！」
育有兩名年幼女兒的Icy，坦言在疫情下，每次外出後回到家，都令她提心吊膽：「我好擔心帶咗啲病菌入屋，所以屋企有一個角落，係專門擺放各樣消毒用品，另外仲有空氣清新機、消毒噴霧機！同埋慶幸兩個小朋友仲細，未知出街係咩概念，呢排留喺屋企都唔覺悶，我都買多咗玩具俾佢地玩，會陪多啲佢哋！」
amJetso 送BIODERMA救星小紅瓶🩷護膚恩物 立即按此參加👇
