歷年世界盃有不少耳熟能詳的金句。
「入咗！應該入咗！」
潘源良 2010世界盃英格蘭對德國時，林柏特遠射中楣底彈入白界，但當時沒有VAR，旁證、球證睇漏，令潘源良以200分貝，Heavy Metal式狂呼「2比2！入咗！應該入咗！」，激情滿分。
「俾啲時間阿叔食少少嘢」
林尚義（阿叔）與郭家明到法國現場評述8強法國鬥意大利，半場時鏡頭播出法國席上畫面，怎料阿叔煙癮難耐，拿出一支煙擔在口中，但卻發現時機不對，未能「燃點香煙喝淡酒，所有不快都溜走」。最後廠景主持李克勤以一句「家明，我哋俾啲時間阿叔食少少嘢」，成為永恆經典。
「有波有天氣」
2010世界盃節目中，張國強指前天氣主持黃婉曼「黃婉曼有波、有天氣、有分析」，力讚Icy充滿智慧，更笑言「有少少鍾意咗佢」。
劉舜文神一般的講波佬
有線歌神劉舜文捧著結他自彈自唱，當中以Queen名曲We will rock you改篇而成的只得一個施丹，「施丹 好嘢 施丹」在Youtube怒轟3萬views，絕不簡單。
「神奇、頂級、超卓」
黃興桂（桂神）一氣呵成，令「四十多碼」、「有今生冇來世」、「神奇、頂級、超卓」成為世界波萬能Key：
「嘩！四十多碼，右腳腳面拉弓，世界波，破網！龍門呀，唔可以講話鞭長莫及啦，根本呀，睇都冇得睇呀射得咁靚！..............有今生！冇來世啊呢球波！...wow!!神奇！頂級！超卓！」
「十二碼一係入一係唔入」
黃興桂（桂神）最為人熟悉的金句是「十二碼一係入一係唔入」，表面上是指套套邏輯級廢話，鬼唔知咩？但多年前聚會時，桂神解釋指「十二碼唔一定入，不要開心得太早」，指未入十二碼前不要拍定手先。
巴治奧在1994世界盃決賽射失12碼，黯然神情成為經典。
Keyman勵志抗逆
馬啓仁（Keyman）在2014世界盃4強，巴西主場以1︰7慘敗於德國腳下後，以「逆境波令人成熟」勉勵一片愁雲慘霧的巴西。香港人可有共鳴？
阿叻眼淚在心裏流
荷蘭在世界盃出局後，陳百祥「阿叻」只能苦笑。鍾志光「吓叻哥咁樣樣，唔係呀嘛」，更勞煩旁邊的Keyman及潘文迪安慰叻哥。
懷念伍晃榮「波係圓嘅」
前無綫新聞體育主播伍晃榮，妙語連珠，當中「波係圓嘅」深入民心，無睇開波都一定聽過，意思是一日未完場，賽果都有機會扭轉。事實上，呢句源自西德教練Sepp Herberger「Der Ball ist rund und das Spiel dauert 90 Minuten」，波係圓嘅，足球比賽是90分鐘的，而Herberger在1954年帶領西德決賽8分鐘已落後兩球，卻奇蹟地連入3球反勝大熱匈牙利。
成龍「衝出嚟」
成龍估計「巴塞隆拿或AC米蘭」為2010世界盃冠軍，但兩支都是球會，不會參加國際足協舉辦的國際賽，自然不會在世界盃亮相，因此成龍完美演繹「衝出嚟」。
立即更新/下載AM730手機APP 體驗升級功能
