Icy指，新店有法國及日本麵包、甜品師駐場教學，又說成績優異的學生，完成培訓後會請他們到店內工作。
陸詩韻、黎燕珊(珊姐)、倪晨曦等，昨日於將軍澳出席黃婉曼(Icy)麵包店的開幕活動，Icy稱，想在事業方面再衝刺，因此剛誕下第二位千金的她，選擇暫時封肚。珊姐指，與Icy一早認識，對她十分欣賞，能將事業與家庭兩邊兼顧。
珊姐表示，Icy未結婚她已認識對方，並說：「好欣賞Icy，結咗婚後仍然好努力，湊女又要忙於生意，我都有想過開麵包舖，得閒會搵個機會向Icy請教。」珊姐指，兒子會與女友一起整麵包，常將製成品給她試味，珊姐說：「佢自己上網學，最鍾意搵我做白老鼠，味道都OK，仲買到成屋都係烘焙用品。」
珊姐透露，兒子還有一年大學畢業，之後會返香港搵政府工。
未瘦身即復工
Icy這間結合麵包店、餐廳及烘焙學校於一身的店舖，是她的第三間店，剛榮升第二任母親的她，坐月不久即投入工作，Icy稱要賺奶粉尿片錢，因此還未完全瘦身便開始工作：「係呀，我目標想減多10磅，(會否收爐不再生？)同丈夫有共識，暫時停工，(不想追個男B？)仔女都冇所謂，依家有兩個女，我鍾意大家庭，不過想工作為先，暫時想做返自己一陣，響事業方面再衝刺，不過有識睇相嘅朋友，話我愈肥事業愈好。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
