即將再為人父的黎諾懿自言最怕血淋淋，剪臍帶免問。
黎諾懿將於本月再為人父，為免重演4年前兒子「小春雞」出世時「甩甩漏漏」的經驗，今次黎諾懿在「小春雞」助手的幫忙下，日前已為腹大便便的太太李潔瑩(Nicole) 準備好入醫院時的「走佬袋」，早前表明想追個女湊成「好」字的黎諾㦤，第二胎將再添一子，但他斬釘截鐵表示「兩個夠晒數」。
黎諾懿近日積極為迎接家庭新成員作準備，吸取上次新手爸爸執漏東西的敎訓，繼續發揮暖男老公的一面，今次準備了大量代言的有機奶粉、嬰兒防敏濕紙巾及潤膚露等，作「走佬」入院之用。黎諾懿與Nicole在4歲兒子「小春雞」黎峰睿出世後，早已有共識要追個女，湊成「好」字，如今第二胎仍是生仔，他表示，「湊成『孖』字也不錯，即將再做爸爸，心情係開心嘅，因為無論工作幾攰都好，只要返屋企見到佢哋就會咩都忘記晒，咩都值得。」
父子同心，在太太督導下準備「走佬袋」。
試過搞到囝囝爛pat pat
他又斬釘截鐵表，為免分身不暇，與太太有共識「兩個夠晒數」，他謂：「最緊要佢哋兩個小朋友相親相愛，我湊峰峰(小春雞)時，太太湊細佬，咁樣時間會分配得好啲，雖然今次唔係生女，但都唔會再追，而家已經好完美。」回想太太生「小春雞」時，當時是新手爸爸的黎諾懿自言非常狼狽，「上次咩都冇準備，搞到峰峰(小春雞)有少少皮膚敏感，亦有少少爛Pat Pat，而且峰峰嗰時亦有少少尿道炎，我都唔識得處理，相信今次我會識得處理，所以今次冇咁大壓力同咁緊張，好期待小生命嘅出現。」黎諾懿續說，上次一點也沒有享受陪產過程，只記得忙到一頭煙，他笑言今次會好好享受，他說：「好多人問我今次會唔會剪臍帶，答案係『唔會』，雖然我鍾意煮嘢食，但係我好怕見血淋淋嘅嘢。」
黎諾懿與太太結婚7年，非常恩愛。
黎諾懿要教導「小春雞」愛錫細佬。
入App免費拎荷花BB展入場券
