醉酒易出事，仲會做出自己想像唔到嘅事。
同一車廂嘅目擊者話，其實唔係咁臭，只係好核突。
去到邊「便」到邊唔係中國人專利，日本人就示範一次罕見事例。Twitter用戶「DECADE10KENN」喺8月7日晚上10時30分上載「驚人」相片。相片所見，地下鐵有樂町線列車內，一名20零歲嘅年輕人將牛仔褲脫至膝頭位置，最嚇人係地下有堆「便便」。
「便便」相片曝光後，惹嚟極大回響，因為咁「肉酸」嘅事好少發生喺日本人身上。目睹事件嘅乘客就話 : 「我喺隔鄰卡車廂，已經聞到有臭味，以為係『酒鬼』嘔吐物，點知一睇，原來係『便便』。同車人話係日本人嚟，應該係飲醉酒肚痛忍唔住『瀨咗』啦!」
其他網民反應不一，有話「唔信日本人會咁做」，亦有話係「改圖」。仲有人話好佩服自己國家嘅人民 : 「你睇下，坐喺對面嘅乘客竟然唔走開，可能係唔想孤立呢位『便便市民』，實在好有愛呀!」
咁又係，如果發生喺香港，車廂應該得番呢位「便便乘客」。
入App免費拎荷花BB展入場券
