倒後鏡應聲被撞至飛脫。(YouTube片段截圖)
大型車輛轉彎時或需佔用附近的行車線，運輸署在《道路使用者守則》提到駕駛者應與轉彎的長車保持適當距離。有網民昨在網上討論區LIHKG分享一段車Cam片，片主駕駛的新巴正準備由小西灣富怡道右轉入小西灣道，其間懷疑車輛太貼近右方行車線，當右前方城巴扭軚右轉時，一招「神龍擺尾」應聲掃甩片主的倒後鏡。
根據片段內的時間和上載日期，相信事發於上個月中秋節。有網民看畢片段後，留意到片主在燈位前曾輕微向右扭軚，質疑是否故意為旁邊巴士設下陷阱，並提出為何要「拍跳」(與旁邊大型車輛一同轉彎)、「你見人哋轉緊灣(彎)，你扭個車頭埋去喎」、「同公司都玩到咁串」。
有網民料片主「想食咗位先」
不過有人就持相反意見，認為片主見前方巴士打死火燈，打算預早轉往右線，「想扭去隔離線、想食咗位先，但點知隔離(籬)個(嗰)架唔夠前」。同時，有人指涉事城巴應該再駛前少少才轉彎，「反正個(嗰)個位得佢一架車行，架車咁長你咁早攞右軑(軚)緊(梗係)掃」、「(如果)個女司機(片中城巴)扭右軚係順住攞軚轉彎而唔係急攞軚/大手攞軚，呢隻彎都未必發尾掃到片主架巴士」。相信每名駕駛者都希望盡量避免交通意外，而兩輛巴士不慎相撞，估計最大損失都是車上和打後候車的乘客了。
網民指片主事發前曾輕微向右扭軚。(YouTube片段截圖)
【限時激減】800 amFUN 2盒！1200 amFUN 4盒！
