九巴今日再辦招聘體驗日，展出嘅舊式巴士吸引一家大細同巴士迷到場「打卡」。(李睿哲攝)
【17:02更新】九巴公布活動入場人次
各行各業都唔夠人，九巴今日(9日)就再次喺車廠舉行招聘體驗日，希望吸引更多人嚟應徵。活動今日喺荔枝角月輪街車廠舉行，Ray除咗見到有人即場登記見工之外，會場仲展出咗好多部唔同年代嘅舊巴士，例如以前「慳錢之選」嘅「熱狗」非空調巴士、白色車身嘅初代冷氣巴士，以及即將投入服務嘅青色比亞迪純電動雙層巴士等等。活動下晝4點完結，九巴話全日有近6,000人次入場。
小朋友對舊款巴士感興趣
新車舊車齊集，活動當然吸引到一班巴士迷捧場，但今日正值星期日，加上車廠位處市區，Ray都見到唔少家庭一家大細到場參觀同「打卡」，好多小朋友都對於一啲自己未搭過嘅巴士好有興趣。
夏日炎炎兼烈日當空，好多人仲手持印有唔同型號巴士嘅膠扇潑涼，甚至開遮遮太陽！現場所見，除咗舊巴士仲有遊戲站同禮物派，而九巴亦把握機會宣傳九巴月票，同埋小童今個暑假嘅紅日都可以免費任搭九巴、龍運巴士路線。
amJetso送太興鮮臘腸 👇立即按此參加
