何永賢(左)、戴尚誠(右)同羅淑佩(中)今日出席「房委會盃」比賽。(董立華攝)
政府近年提倡「城巿運動」，香港房屋委員會趁今年成立50周年，首次舉辦3人籃球挑戰賽「房委會盃」，鼓勵屋邨年青人組成男、女子籃球隊。「房委會盃」今日(20日)喺葵涌石籬邨石歡樓籃球場舉行男女子組複賽，除咗一眾球員選手，出席嘅仲有房屋局局長何永賢(Winnie)、副局長戴尚誠，同埋升官無耐嘅房屋局常任秘書長兼房屋署署長羅淑佩。
▼何永賢羅淑佩等出席「房委會盃」▼
羅淑佩升官後首公開露面
一眾房屋局高官除咗主持開球禮，Winnie同戴尚誠仲分別同幾個青年球員，嚟咗兩場射籃表演賽。Winnie之後喺頒獎禮話自己「好耐冇攞起過籃球，亦都好耐冇試過射盤」，又話房委會成立50周年嘅主題係「凝造．未來」，3人籃球賽正好凝聚屋邨籃球精英喎！
至於升官後首次公開露面嘅羅淑佩，佢雖然冇落場只係做啦啦隊為大家打氣，但都有着籃球衫，又同房屋署主題人物「房護俠」影返幅合照。佢之後同傳媒講，好開心同青年人打成一片，希望以後多啲參與青年活動。
Winnie射籃嗰時表情十分肉緊。(董立華攝)
amJetso送太興鮮臘腸 👇立即按此參加
