鍾國斌話教碩士課程嗰時，全班得兩個非本地學生話會留港發展。(鍾國斌FB)
本港大學一直都有招收非本地學生，而政府近年亦都推出好多措施，希望吸引佢哋畢業之後留喺香港工作，甚至拎埋居留權。不過，立法會前紡織及製衣界議員鍾國斌就觀察到「殘酷嘅現實」，仲好感嘆咁問咗句「香港真係咁無吸引力咩？」
逾八成學生係內地生
話說鍾國斌最近喺香港城市大學，教授一個關於氣候變化同碳中和嘅碩士課程，佢話當中有超過八成學生都係內地生，其間又問佢哋讀完課程之後仲會唔會留喺香港發展。好可惜，佢話現場最終淨係得兩個學生舉手，其他就話會返返去自己嘅地方，難怪佢會咁感嘆反問一句！
鍾國斌話教碩士課程嗰時，全班得兩個非本地學生話會留港發展。(鍾國斌FB)
【限時激減】800 amFUN 2盒！1200 amFUN 4盒！
