Ray Online｜李家超落區突擊測驗小學生串「English」 叫學生補習(Now新聞台截圖)
行政長官李家超今日為施政報告諮詢，去到荃灣福來邨視察。途中就撞到一班啱啱放學、活潑好動嘅小學生，除咗開心合照，仲有寒暄幾句，話題離唔開關心小朋友嘅學習情況。估唔到李家超突擊測驗，問小學生暫時識最深嘅英文生字係咩，小學生答唔上嚟，於是李家超問「English」咁長，識唔識串呀。小學生好努力逐個英文字母串畀李家超聽，之不過都係唔小心串錯咗。
李家超勉勵小學生努力學習
李家超就同小朋友講唔緊要慢慢嚟，差唔多㗎啦，加油就得啦，勉勵佢哋返去補習呀，又要溫書，一定得嘅。小學生之後接受傳媒訪問，話見到特首心情好激動，途中特首不停提醒佢哋努力讀書。
amJetso送太興鮮臘腸 👇立即按此參加
