Ray Online｜李慧琼被騙徒冒認 向議員同事借錢
公眾人物成日成為騙徒冒認嘅對象，今次輪到民建聯立法會議員李慧琼成為目標，仲要向其他議員落手借錢。
「受害者」係議員吳傑莊，佢喺社交網站分享同「李慧琼」對話嘅截圖。「李慧琼」接觸吳傑莊，仲知道吳傑莊嘅議員身份，話「你好，吳議員這個是我的私下工作號碼，保存一下」。騙徒一開始首先關心吳傑莊，「你好，最近會議多。宜家忙唔忙啊？」吳傑莊繼續同騙徒對話，反問佢忙緊啲咩，對方回覆「午休時間了，下午還有重要會議」。跟住已經忍唔住出手，話有件事想麻煩吳傑莊，話有親戚借錢，但係唔方便直接轉賬，希望吳傑莊幫佢轉賬。
李慧琼發澄清啟事
作為民間反詐騙大聯盟召集人嘅吳傑莊，提醒大家小心，騙徒會用知名人士嘅身份進行詐騙活動，佢已經即刻通知李慧琼發生呢件事。李慧琼亦發澄清啟事，發現有部分不明電話號碼，惡意冒充佢並喺Whatsapp向唔同人士發出欺詐訊息。佢呼籲大家提高警覺，預防誤墮騙案。如果發現有關號碼，可以喺Whatsapp舉報，並且通知佢。
amJetso送太興鮮臘腸 👇立即按此參加
