立法會議員林琳終於生咗啦，她更在fb發文報喜。(林琳fb圖)
又有立法會議員在任內生BB啦！民建聯林琳自從去年宣布「造人」成功後，預產期原定為7月，但怎料林琳今日(6日)在社交平台忽然發文報喜，稱嬰兒「唔想再等」，要提早出生與大家見面，又說自己的34周半男嬰「波波」一出世就喊得好有氣力，並大晒靚靚的幸福照與網民分享，林琳向Ray笑稱養和醫院的護士影相好手勢，「執都唔使執已好掂」。
林琳中午在Facebook報喜：「上周三開始無啦啦有假性宮縮(Braxton Hicks)，周五睇咗醫生話多臥床休息下。去到尋日下午，我嘅主診醫生出完差返嚟即刻下午見我……點知波波由尋晚8點開始，就唔比爸爸媽媽訓覺休息，On/Off咁收縮直到4點半，我終於頂唔順去咗醫院。原來係佢已經唔想再等，決定提早同爸爸媽媽同各位Auntie Uncle 哥哥姐姐爺爺嫲嫲見面！」
「兒科醫生都話好掂」
林琳話手術順利，34周半的「波波」一出世就喊得好有氣力，「兒科醫生都話好掂，證明佢肺功能好得。」她說在樣貌方面，老公認為眉毛和嘴巴似他，額頭、下巴和眼睛就似林琳，並且問網民「大家又覺得波波似我多d，定似我老公多d呢？」
