2024-04-02 15:49:00

Ray Online｜梁子穎身穿漢服攜巨型奏摺「上書」政府　內容包括冀李家超身體健康

立法會議員周不時都去政府總部請願，工聯會立法會議員梁子穎今日就有新意思，佢著住漢服圓領袍，帶埋「巨型奏摺」話「上書」政府，如實反映民意。

梁子穎喺農曆新年期間，舉辦咗「投龍祈願，傳書特首」街站，收到424張市民的祈願紙。今日就向行政長官李家超「上書」一份5.5米長嘅巨型奏摺同埋「投龍祈願統計圖」。梁子穎話作為議員，有責任做中間人嘅角色，定期「下沉」社區了解民情，再將市民嘅聲音帶到議會同政府。佢比喻好似唐代「投龍」儀式中嘅金龍一樣，肩負百姓嘅願望，由民間帶到天上。

最熱門訴求是取消垃圾徵費

梁子穎話參與嘅市民反應熱烈，意見廣泛又多元化，涵蓋包括福利民生、勞工等等。頭3個最熱門嘅訴求分別係要求取消垃圾徵費(14.7%)、要求政府派糖、派錢或者消費券(8.8%)，同埋改善房屋政策(8.4%)。細心望望梁子穎帶埋嘅道具牌，市民嘅意見五花八門，包括「一定追責林鄭，犧牲了青年(修例風波)」、「希望特首公平公正處理3月2日林穎彤的案件」。另外，仲有市民話希望特首身體健康，為市民服務。