Ray Online｜梁振英籲國慶喝國產酒　否則無法交代

今年係國家成立75周年，全國政協副主席梁振英呼籲喺國慶日飲國產酒，唔係嘅話交代唔到喎。

建議向內地酒莊訂購熊貓酒標葡萄酒

梁振英喺社交網站發文，提到國慶臨近，呼籲所有官方同民間慶祝活動，除非唔飲酒，唔係嘅話必須飲國產酒。佢解釋國產酒質量愈嚟愈高，而且價格豐儉由人，國慶唔飲國產酒係冇辦法交代，唔能夠解釋。海洋公園大熊貓盈盈啱啱誕下一對龍鳳胎，加上中央即將向香港再送一對大熊貓。梁振英建議向內地酒莊訂購以「香港熊貓爸爸媽媽」作為酒標嘅葡萄酒。