梁熙與東區警區合作，發放每周騙案情況。(資料圖片／羅庸軒攝)
騙徒手法層出不窮，最重要都係市民提高警覺。Ray最近得知，一直關注騙案問題嘅立法會港島東議員、民建聯梁熙，最近就同東區警區合作，發放東區每個禮拜發生嘅騙案情況，務求令區內居民提高警覺。
梁熙同Ray講，早前喺立法會建議政府參考內地防詐騙做法，喺詐騙案所在大廈張貼告示提醒居民，佢仲話呢個方法令到內地有效大幅減低詐騙數字。梁熙話，今次同東區警區合作，除咗會向街坊發區內騙案情況，亦會到相關區域擺街站宣傳防騙訊息。
根據資料，上個禮拜東區就發生咗不少騙案，包括2宗電話騙案、13宗網購騙案、11宗投資騙案，同埋13宗盜用信用卡騙案，其中一宗被騙金額更加高達1,800萬。
梁熙希望呢啲資訊可以令到區內居民更了解騙案形式，就算唔好彩遇到騙徒都可以機警咁處理，避免損失。他期望警方將來亦可公布不同區分騙案情況，甚至考慮佢早前嘅建議喺大廈張貼告示，或者用其他「更入屋」嘅方式做防騙宣傳。
入App免費拎寵物展入場券
