民建聯「小花」莊雅婷的外貌受關注，指如果幫到工作是好事
今屆最後生、24歲嘅民建聯「小花」莊雅婷係西貢區委任區議員，唔少網民關注佢嘅外貌。佢話唔介意外界關注，如果外貌幫到工作，甚至係好事。
莊雅婷今年初被委任做區議員，當時已經即刻被外界關注，衍生「北大小花」、「民建聯小花」等等嘅稱號。佢最近接受傳媒訪問，話「啲人見到民建聯係咪走夾唔唞呢？我又真係見唔到」，佢覺得市民嘅接受程度都好高，亦冇試過畀人鬧、畀人藐。被問到市民對佢接受程度高，係咪因為佢擁有甜美嘅外表，佢直言如果外貌幫到工作係好事，佢並唔介意。
有機會想挑戰直選
回顧上任一年嘅工作，莊雅婷坦言比想像中更大壓力，就好似啲人話「理想豐滿，現實骨感」，但佢都滿意自己表現嘅。佢話平時工作好忙，優先做好地區工作，下年目標係開始做好網上宣傳。佢仲話如果有機會，想挑戰直選，覺得係有吸引力又神奇嘅體驗。
立即更新/下載AM730手機APP 體驗升級功能
