鄧炳強同太太行維園花市 入手「度身訂造」公仔氣球｜Ray Online (@FB 鄧炳強 Tang Ping Keung)
保安局局長鄧炳強經常都會去唔同展會活動「撐場」，各區年宵市場早排就開鑼，局長當現都有現身，仲帶埋夫人一齊買年花添！鄧炳強喺社交平台話，佢同夫人去行維園花市買咗小食到各紀律部隊嘅攤位探班；仲話好開心見到今年有好多學生同青年人經營自家設計嘅攤位，「大家都活力十足，各出奇招吸引市民」。
夫人母校
鄧炳強仲去支持咗夫人嘅母校擺設攤位，至於是哪一間，帖文就沒有寫明，但相片就在北角英中名校張祝珊英文中學攤位前拍攝，盡在不言中。
去得年宵當然唔少得買野，而局長都唔例外！鄧炳強提到，今年買咗幾盆好靚嘅蘭花，不過「最大收穫」就一定係一個檔主特別為局長同夫人製作嘅大熱扭扭公仔氣球，鄧炳強大讚「造型神似，夫人非常喜歡，我就更喜歡啦！」
入App免費拎寵物展入場券
