田北辰年廿五去元朗派揮春，仲話「國家安全」、「國強家興」好多人拎。(田北辰FB)
仲有一個禮拜就到農曆新年，唔少議員都會落區派下揮春。實政圓桌立法會議員田北辰(田二少)今日年廿五(4號)就去到元朗一個商場，同黨友莊豪鋒一齊派揮春，佢哋仲專誠着晒賀年衫落區，吸引唔少市民埋去「打卡」。
呼籲夫婦「加把勁」取兩萬元生育獎勵
政府依家就《基本法》第23條立法做緊為期一個月嘅諮詢，田二少話除咗最有特色之外嘅龍年「福」字之外，新嘅「國家安全」同「國強家興」兩款揮春都有唔少人攞，形容「國安港人福」。
田二少仲話，一家大細埋去拎揮春嗰時，都有趁機會提醒當中嘅爸爸媽媽龍年又到，要加把勁攞埋政府封兩萬蚊新生嬰兒獎勵金「大利是」，為香港未來人口增長加把勁。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
