盧寵茂年初五去咗捐血。(醫衞局FB)
香港依家正值流感季節，香港紅十字會輸血服務中心喺過年前就已經宣布血庫告急，情況去到年初三都未有大改善。醫務衞生局局長盧寵茂今日年初五就同太太以及醫衞局局長辦公室高級顧問樊敬文，去到銅鑼灣捐血站捐血。
有駐京辦公務員回港新年趁機捐血
盧寵茂話捐一包血可以救3位病人，換言之佢哋一行3人就為9位病人送上新春禮物，祝福他們早日康復，恢復健康。佢仲喺捐血站更遇到一個瑪麗醫院前同事、負責器官移植嘅護士長，引述對方至今已經捐血近100次，同時遇到一個駐京辦公務員趁新年返香港期間上去捐血等，形容捐血者熱血助人嘅善舉，令呢個新年更加意義非凡。
入App免費拎寵物展入場券
