Ray Online｜盧偉國口誤 指「同事戲稱小弟是垃圾會廚神」(陳奕釗攝)
今日立法會財務委員會討論財政預算案措施，經民聯主席盧偉國發言嗰陣，形容財政司司長陳茂波唔單止係「財神」，亦係「廚神」。不過，當盧偉國引述有同事形容佢係「立法會廚神」嗰陣就出現口誤啦。
冀財政充裕下可以「加甜」
盧偉國發言話「雖然有同事戲稱小弟係垃圾……立法會嘅廚神，實際上係小巫見大巫」。盧偉國覺得今次預算案，凸顯「財爺」同呢位「廚神」嘅用心，喺限米煮限飯嘅情況下，點樣令每個階層都覺得佢煮嘅菜式係健康，係佢哋歡迎嘅菜式真係唔容易。佢話預算案喺調味上一方面「撤辣」，一方面就「減甜」，都可以煮出健康菜式嘅，不過特別係中產同基層就覺得支援少咗而有意見。盧偉國話理解預算案措施，希望日後財政狀況健康、充裕嘅情況下可以「加甜」。
amJetso送太興鮮臘腸 👇立即按此參加
