盧寵茂(右四)同醫衞局同事等喺維港景色前面留影。(醫務衞生局FB)
本港氣溫已經明顯轉涼，又係行山嘅好季節。醫務衞生局局長盧寵茂今朝就同常任秘書長陳松青，帶領一班醫衞局嘅員工去郊遊，一行約50人從香港大學經龍虎山郊野公園行去山頂廣場。
日行萬步挑戰雖結束 運動旅程唔應該停
Ray喺醫衞局發布嘅活動相片見到，醫衞局除咗局長同常秘，3個副秘書長許澤森、李力綱同麥子濘、策略採購統籌處總監張偉麟等都有一齊行山，部分人更加帶埋屋企細路一家大細嚟行，不過就唔見副局李夏茵嘅身影。
醫衞局話，衞生署嘅「匿獅Lion日行萬步」挑戰雖然已經結束，但運動嘅旅程唔應該因為咁而止步，今日就趁住美好嘅天氣走出戶外舒展心情，盡情享受香港迷人嘅山海風光，令到身心都更健康！
立即更新/下載AM730手機APP 體驗升級功能
