羅淑佩今朝去咗行鳳凰徑。(羅淑佩FB)
唔少人放假都會去行山，文化體育及旅遊局局長羅淑佩今朝亦都有去行，一大清早就由石壁水塘出發，經分流行到大澳，全程約18公里。羅淑佩話今日天氣唔錯間中有陽光，沿途有一啲山路但唔算困難，其間仲遇上一陣大風，佢慶幸行程好彩冇受影響。
提醒市民行山要帶兩樣嘢
羅淑佩喺社交網站分享沿途景色同古蹟相片，話自己用咗5個鐘行完全程，又提醒市民行山嘅時候要帶備水同食物補充體力，以及記得要將垃圾帶走。佢同時貼出電話健康程式數據，見到去到中午12點幾已經行咗29,154步，活動就消耗咗946千卡路里，明顯比過往6日高出一大截。行完5個鐘之後，佢最後就去咗食飯醫肚，「行完五個小時，飽餐一頓是常識吧！」
▼羅淑佩分享行山留影▼
▼香港可觀測月食▼
立即更新/下載AM730手機APP 體驗升級功能
