財政預算案2025｜民建聯何俊賢疑聽《預算案》期間，趁機沽阿里巴巴食糊。(資料圖片)
財政司司長陳茂波今日(26日)去立法會宣讀新一份《財政預算案》，講咗超過兩個鐘，期間公布咗多項政策，包括將二元乘車優惠改為「兩蚊兩折」同埋公務員凍薪等。不過，喺會議期間，民建聯立法會議員何俊賢俾傳媒影到，一邊聽《預算案》，一邊疑似趁高沽售阿里巴巴(港交所：9988，下同)股份。如果係真嘅話，喺阿里今日股價一度反彈逾6%嘅情況下，阿Ray相信佢應該都有啲斬獲。
手指放喺賣出位置
據現場消息，何俊賢喺聽《預算案》期間，多次睇社交媒體，仲兩次睇股市，尤其特別關注阿里巴巴。傳媒影到嘅相顯示，佢停留喺富途牛牛app嘅賣出版面，手指仲放喺賣出啲版面位置，不過未知最後有冇啱價位成功沽出阿里巴巴。
事實上，喺DeepSeek同AI帶動下，港股近月不斷飆升，其中恒指成分佔比好重嘅阿里巴巴，股價由年初約80元，飆到上近日140.9元，足足升咗約76%。雖然阿里呢兩日喺高位有啲調整，但今朝急升超過6%，一度高見139元，仍然係今年內嘅最高位水平，難怪何俊賢要忙裡偷閒咁留意住啦！
▼財政預算案2025懶人包▼
【限時激減】800 amFUN 2盒！1200 amFUN 4盒！
