Ray 梁美芬指特意穿「金庫色」審議預算案，寓意預算案「含金量」十足
立法會今日審議財政預算案，經民聯立法會議員梁美芬專程襯咗一件金光閃閃嘅褸，上面仲有好似金幣嘅衫鈕。梁美芬形容呢身打扮係「金庫色」，代表預算案「含金量」十足，可以為香港創造更多金庫。
呼籲政府拆牆鬆綁
梁美芬喺社交網站分享靚相之餘，喺會上發言嗰陣提到政府喺近千億財赤下已經盡力，但係需要巧妙解說，團結社會各界攜手應對關稅戰。佢強調祖國14億人口嘅龐大市場，正正係香港特區應對當前全球經濟形勢嘅自信泉源同底氣所在。梁美芬呼籲政府直接面對短板，拆牆鬆綁發展好銀髮經濟，繼續傳承獅子山下嘅團結精神，捱過難關勇於求變，攜手並肩等東方之珠升級成為全球最有魅力嘅投資勝地之一。
【立即參加】送Rollink全球最輕薄可摺疊手提行李箱🧳！
