2024-11-25 17:41:19

Ray Online｜被指「嚴重違紀」　鄧家彪：放馬過來到立法會找我

騙徒手法層出不窮，工聯會立法會議員鄧家彪最近又遇到騙案。騙徒聲稱係私家偵探，話受人委託長期跟蹤佢，點知對方想殺死鄧家彪，騙徒要求鄧家彪用錢消災。

鄧家彪喺社交網站分享最近收到騙徒嘅電郵，標題係「鄧家彪，你已嚴重違紀」。騙徒喺內文寫到開門見山，佢嘅目的好明確，只係想求財，唔想惹事。佢向鄧家彪交代佢係私家偵探，同委託人溝通發現，對方嘅諗法太過極端，想置佢於死地。所以，「私家偵探」決定私下向鄧家彪發送電郵，要求佢「務必端正你的態度」，第一時間聯繫佢處理，同埋確保唔好外流影片。「私家偵探」話用錢消災，佢先可以保證呢件事唔會影響到鄧嘅工作同家庭。騙徒附上佢嘅WhatsApp號碼，話「過期未來電，一律視為不處理態度，後果自負！」