赤鱲角機場今日啟用25周年，機管局喺客運大樓舉行慶祝活動，(前排右起)廖振新、蘇澤光同林天福跳舞跳得幾開心！(陳奕釗攝)
赤鱲角香港國際機場唔經唔覺已經啟用咗25周年，取代被喻為「全球十大危險機場」嘅啟德機場。負責管理成個機場島嘅機管局，今日(6日)趁正日就喺客運大樓抵港層舉行慶祝活動，由署理運輸及物流局局長廖振新、機管局主席蘇澤光同行政總裁林天福等機管局高層，一齊在場切蛋糕慶祝。
機管局高層切蛋糕慶生
喺切蛋糕之前，佢哋仲同一班打扮成機場唔同崗位員工嘅舞蹈員跳舞，Ray在場見到佢哋都跳得好開心、笑晒口咁！慶祝活動吸引不少市民和旅客圍觀，工作人員之後仲在場派發紀念品。
啟德體育園料出年完工
至於啟德機場原本嘅用地，時至今日已經大廈林立，而喺停機坪原址嘅啟德體育園工地，最後一個預製鋼構件更剛好今日運抵，標誌主場館嘅上蓋工程踏入咗關鍵性階段。啟德體育園預計，主要設施可以喺出年年底完工。
amJetso送太興鮮臘腸 👇立即按此參加
