Ray Online｜超級狀元鍾栢綸任林筱魯議辦實習生 希望透過經濟數據改善民生
中學文憑試(DSE)啱啱放榜，其中一個超級狀元、喇沙書院嘅鍾栢綸喺升讀大學之前，利用暑假做實習，喺4位立法會議員辦公室返1個月工。
鍾栢綸將會去英國升讀倫敦帝國學院，修讀經濟、金融與數據科學。生活當然唔止讀書，佢好鍾意玩飛鏢，仲成為中國香港飛鏢聯合總會嘅飛鏢運動推廣大使。而4個立法會議員林筱魯、吳傑莊、陳仲尼同陸瀚民係總會顧問，總會喺鍾栢綸離開香港前，特別安排佢去4位嘅議員辦事處各實習1個禮拜。
希望透過經濟數據改善民生
鍾栢綸只係啱啱成為議辦實習生，佢話對於工作唔緊張，而係覺得好新奇，覺得議員接觸嘅議題好豐富，例如涉獵房屋、土地、環境保護等等。佢希望透過經濟數據，協助改善民生問題。
amJetso送香港迪士尼樂園成人一日門票 ⬇️⬇️立即開APP參加⬇️⬇️
