科技創新界立法會議員邱達根（中）到訪葵涌醫院幫手製作月餅軟餐（邱達根Facebook圖片）
好多病人因為吞嚥困難，軟餐可以畀病人有進食嘅尊嚴，臨近中秋，葵涌醫院更有心思，為病人研製軟餐月餅，科技創新界立法會議員邱達根亦去咗幫手製作月餅軟餐。佢話醫院嘅膳食部門非常有心，每逢節日都會關顧長期住院病人嘅需要，會為佢哋準備特別嘅餐單。
邱達根試食之後話，月餅軟餐味道其實非常唔錯，只係口感上有所差別，希望有特殊需要嘅病人都可以感受到醫院嘅努力同對病人嘅關懷，喺嚟緊嘅中秋節都品嚐到月餅嘅滋味。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
