李夏茵(左)同梁嘉傑(右)一齊畀個Like。(醫衞局FB)
本港近年興起做運動嘅風氣，除咗可以強身健體之外，亦都可以令個人放鬆同開心啲。香港醫學專科學院今日(10號)喺大口環舉行同樂日，畀個機會參加嘅醫生同屋企人玩下運動遊戲，享受放鬆嘅愉快時光。
鼓勵醫生百忙之中抽空做運動
醫務衞生局副局長李夏茵為同樂日主禮嘅時候，提到醫生保持身心健康，對維持健康嘅醫護團隊同確保優質醫療服務至為重要，又鼓勵醫生喺忙碌生活之中，都要抽時間做運動。
活動包括男子足球比賽，同埋男子、女子籃球比賽，現場仲有遊戲攤位同小食供應。睇返醫衞局上載嘅相片，見到李夏茵同醫專主席老公梁嘉傑一齊「畀Like」，都算少有地有同框合照曝光。佢哋兩個面前仲有兩個足球，莫非趁住同樂日寓工作於娛樂，一齊踢返兩下波享受愉快時光？
amJetso送太興鮮臘腸 👇立即按此參加
