Ray Online｜鍾鎮濤(前排最左)獲邀出席警察學院結業會操坐最前排 播其作品《捍衛香港》(直播截圖)
警察學院今日舉行結業會操，藝人鍾鎮濤都獲邀出席，同太太范姜素貞一齊坐喺嘉賓席最前排。鍾鎮濤為向警隊表達支持同謝意，早年專程作曲，成為警隊主題曲《捍衛香港》，今日喺會場內播放，鍾鎮濤都忍唔住哼歌呀。
典禮開始前，鍾鎮濤同警務處處長蕭澤頤等合照，仲受到現場一眾警務人員歡迎。典禮開始後，見到佢一直戴住黑超，同太太坐喺最前排，而愛女鍾嘉晴就坐喺第二排。喺奏唱國歌環節，留意到鍾鎮濤昂首大聲唱出歌詞。
曾出席撐警集會
鍾鎮濤一直好支持警隊，喺2019年反修例事件，鍾鎮濤連同多個演藝界人士，出席由立法會議員何君堯發起的撐警集會。鍾鎮濤當時發言，話睇見好多後生仔好似真係唔識嘢咁，粗俗啲形容真係九唔搭八，強調應該孝順父母同奉公守法，所以參加集會支持警隊。鍾鎮濤近年主力喺內地發展，民建聯前年邀請佢為創黨30年創作歌曲《前進》。
Ray Online｜鍾鎮濤獲邀出席警察學院結業會操坐最前排 播其作品《捍衛香港》(直播截圖)
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
